Kae
 

Yaanom

Yεada akyε

Berε tenteenten ara

Ma yεnsɔre

Yεnsɔre nkae

Kae Nkwa

Banyansafoɔ ne Nkwaseafoɔ

Nsoromma afεfε ne Ahoɔden mu Awia-Awia

Abibiman Mpanimfoɔ ne mmɔfra

Monkae

————————————————————

Yεtumi kae mmerε ansa na

aborɔfoɔ duruu Abibiman mu?

Ansa na yεasensam wiase nyinaa soɔ

Ansa na sonkahyirebɔ ne nkoasom

Ansa na nhyεsoɔ mu atubra

Ansa na apoobɔ

Ansa na Abibiman korona fitii mogyahwieguo aseε

—————————————————————-

Hwan na ɔfaa ayayadeε yi nyinaa baeε?

Yεnim

Yεnim

Na yεkae

Yεn werε amfiri

Onua…kae, na da wo ho soɔ
——————————————————–

Hwan na ɔmfa nokorε mmu adwe?

Hwan na ɔmfa abakɔsεm mmu adwe?

Hwan na ne werε bεtumi afiri yεn ya(w)

Wɔ nkoasom mu

Wɔ nhyεsoɔ mu, wɔ apoobɔ mu

Eyi nkamfua(w)

Yεkyee adeε

Yεkyee adeε
———————————————————

Kae

Yεde yεn tamfoɔ bεba atεmmufoɔ bi anim

Ɔntumi nhinta ne ho afiri yεn Nananom ani

Kae

Kae na gyina

———————————————————————————-

Anomaa wɔ ntakra, n’anomaa na ɔde gyaa no no

Kae

Kae

Sankɔkwan no wɔ he nie?

Bu wo nkɔmpɔ hwε w’akyi agya, na te nkaeε ho tumi a ani gyangyan ntumi nhunu

Ɛfiri sε, yεn Nananom ne yεn gyina

Wɔɔnom yε yεn ahoɔden

Yεn Nananom si nketekrakye yε adwuma denneennen ma yεn

Yεn nso, εwɔ sε yεmia yεn ani de nsi ne anem yε adwuma

Aboa yεn mma na asakra asaase so asetena
———————————————————————————-

Nkwa yε apɔ(w)bɔ ne apɔ(w)saneε

Mmom, monkae

Fa ahopakyi hwε akyiri

Na kae
—————————————–
Yεwɔ nkwantanan bi so

Wɔ Nkwa ne owuo ntam(u)

Hwan na ɔbεkyerε yεn kwan no

Hwan na ɔbεbue kwan no
—————————————–

Yεn ara

Bεyεn w’adwene

Bεyεn wo tumi

Nkaeε ne ayaresa ntira

Nkaeε ne aweretɔ ntira

—————————————

Kae

Wɔ “so deε εso wo mu no mu” so

Mfa mma obi adɔesatorɔ mu

—————————————-

Kentene wo ho

To dwom foforɔ bi
————————

Kae yεn amammerε

Yεnsankɔ

Yεn amanneε hɔ

Yεn nhyehyεe ne ayεsu hɔ
———————————–

Kae

Nsakrae ntira

Kae

Treneesεm ntira

Kae

Adεnnεn ntira

Kae

Nkwa ntira

Kae

Nkabom mu

Kae

 

by Kwadwo Nkita-Mayala

Advertisements